Encontro con Morriña Celeste

Detalles

Publicado o Luns, 12 Decembro 2011 16:31

O pasado sábado 10, no desprazamento ata Alcorcón co Celta, o noso compañeiro e Tesoureiro de Centolos Celestes, Pablo Ruíz, fixo o tradicional e protocolario intercambio de bufanda oficial coa peña celtista anfitriona en Madrid, Morriña Celeste, representada pola sua presidenta, Alejandra Aller.

Morriña Celeste, a peña celtista de Madrid, fixo a sua posta de largo congregando a maioría dos seus socios no estadio de Santo Domingo e operando como anfitrións no probablemente único partido que o Celta disputará en terras madrileñas esta tempada. Esta peña celtista fundouse no transcurso do pasado verán e xa ten afiliados a máis de medio centenar de seguidores celestes en Madrid, algún deles sobradamente coñecido como o xornalista galego Gonzo.

A continuación a foto que inmortaliza o momento do intercambio de presentes:

Web oficial da peña celtista Morriña Celeste: www.morrinaceleste.com